PASAEAMAT by Genevir P. Patron

Sa rayang gabie atong napatunayan

Nga kung kita gali hay hay nagabueuligan

Bisan anong problema pa ro atong mataeopangdan

Ro kada isaea atong saeandigan

Unang pasaeamat hay para sa atong kura paroko

Maaeam, mabuot Rev. Fr. Jude Rebaldo

Sa gintao nimong hangkat kami nagatuo

Owa't imposible basta halin kimu

Saeamat gid ay ro mga Chapel Pres. hay naghiliugyon

Agud rondayang search hay mapatigayon

Programa it parokya o anumang okasyon

Sa kada kapilya abong mabinuligon

Saeamat sa atong mga ginikanan

Sa pagpalangga nga owa it katapusan

Ro andang mga onga tanan ginsuportahan

Ginpagwapo ag ginpagwapa para katon tanan

Saeamat sir Cendrix sa mahabang pasensya

Bisan salikwaot ro siki, sa tunog it sonata

Tanan nag-antiguhan,mga kandidato/kandidata

Owa't gapapirde sa andang kakontra

Sa mga litrato it atong kandidata

Si Ma'am Ronalie, hay masaligan ta

Bisan owa it filter,tanan gwapo ag gwapa

Talented,dedicated,huwarang maestra

Indi ko gid malipatan imaw si Ma'am Maicah

Solicitation letter,certificates ag program,imaw ro nag-obra

Pati sa pag-emcee owa imaw gabalibad ra

Thank you gid Ma'am kabay indi ka mamadla ha

Ro mga intermission numbers sa youth nakatoka

Imaw paeang namon nakita gasaot pati mga KOA

MUG, Youth Ministry, Angels ag Junior CWL hay nag-intra

Sa pagsaot ag pagkanta tanan sanda hay masadya

Mabahoe gid ro among pagpasaeamat

Sa atong sponsors, donors ag table buyers

Sa andang pagsuporta nga indi masukat

Ro inyong gintao kamon hay naamat

Abo ro pagpasaeamat sa rondayang eskuylahan

Tanan nga andang gamit katon hay ginpahueam

Sir Larry J. Justo indi ka gid namon malipatan

DepEd CAMACA saeamat sa inyong pagbueoligan

Indi ko eon tanan pagtigsambilogon

Sayud eon ninyo kung sanday sin-o run

Libreng serbisyo inyong ginabaton

Mabahoe nga pagpasaeamat nagahalin kamon

Rondayang programa bago pa matapos

Sa iba't-ibang isyu kami nanghilam-os

Pero ok lang, owa kami gabaeos

Basta sayud namon,mas abo ro nagpanipueos.