Ours is not a story of a
fatherless family. Our story is about a wife and a mother whose life reflects these
words of Proverbs 31: 28-29: Her children
rise up and call her blessed; her husband, too, praises her: “Many are the
women of proven worth, but you have excelled them all.”
We, the six children of
Mary Jane Yu Acevedo Rebaldo, call her blessed; this does not mean that she should
be declared a saint. Rather, she is called blessed because she received God’s
favor. The first favor she always prayed for is that her children remain one
and united. What a curse for a mother to see her children fighting against each
other? But a mother is called blessed when her children love one another. Why
blessed? Well, in our oneness and unity, we are likened to a jigsaw puzzle that
when we put ourselves together, people can see the image of our mother. But
when we cannot connect to each other, when we are divided, there will be no
reminder for people who our mother is.
Mommy believed that the
greatest blessing a family can receive from God is the gift of priesthood. She
believed that a priest can save all his family members both living and dead by
praying and saying mass for them. This is the second favor mommy prayed for –to
have a priest in the family.
She started hoping to
receive this God’s favor through Nong Regnier ag Nong Boyet. Ro daywa nanging sakristan
anay ni Msgr. Jose Iturralde ag nagasunod-sunod man si Nong Regnier kay Fr. Jeoffry
Jimenez sa anang milisahan. Tag magasueod eon kunta si Nong Regnier sa
seminaryo, ginhawiran imaw ni Mama ro nanay ni mommy. Hambae nana hay abu ro
eaki sa mga unga ni mommy para magpari pero ipaiway guid ro kamagueangan hay
imaw ro katimbang it ginikanan sa pagbantay it pamilya. Si mommy nagpasugot but
she continued to ask for God’s gift of the priesthood para sa pamilya. Ro
pangamuyo ni mommy istan lang ginpamatian it Dios. Si Nong Ruben nakaasawa it
unga it Diakono (deacon) it Iglesia ni Kristo. Samtang si Nong Randy nakaasawa
it gumankon it pari nga si Msgr. Mesina.
Mommy’s fantastic four hay
ginbunyagan ag ginpangaeanan nga Anthony Regnier, Anthony Raymar, Ruben Anthony
ag Randy Anthony. Ro andang ngaean hay gintuead ni mommy sa pinalangga na nga
magueang nga si Atty. Anthony Acevedo ag sa anda nga santos nga sangay nga si
San Antonio de Padua. Para sa kasayuran it tanan, si San Antonio de Padua hay
patron it kada Martes. Si mommy nagtaliwan ku July 30, 2019 adlaw guid nga martes,
ro adlaw nga gintaeana para kay San Antonio de Padua.
These fantastic four hay kon
magtawag sa among ginikanan hay Nanay ag Tatay pero kami ni Neneng Myra, Mommy
ag Papa mat-a. Si Neneng Myra hay sambilog eamang nga baye sa magmanghud.
Pinakapalangga imaw ni papa. Palangga man imaw ni Mommy bangud imaw eamang ro
ginhawiran ni mommy nga magpabilin kana sa baeay. Ro bilin ni Nanay, si Neneng
Myra sa baeay. Dugang nga handum ni mommy hay ro unga ni Neneng Myra nga si
Baby Jesus hay manging pari man.
Si mommy hay atat na
atat, sabik na sabik, gigil na gigil, nga may magpari sa pamilya. Pero hambae na
kang wa ako sa plano na nga magaabot sa anang kabuhi. Bangud una eon kuno ako
sa anang tiyan, nangamuyo imaw nga mangin pari guid ako sa pag-ampo ni St. Jude
Thaddeus. Ginbunyagan ako nga Jude Isidro, ro ngaean nga wa gaumpisa sa letrang
R ag wa man eon it Anthony. Ginbunyagan man ako nga pari ro akon nga ninong, si
Fr. Pabs Rentino. Kon ro mga inunga kato hay nagakabisar it “A-B-C”, ako mat-a
hay ginapauman-uman nga maghambae “gapari ako”. Tag ginsampok ako sa dahi sang
igkampod it dust pan nga himo sa lata nga Baguio Oil, imbes magbaeos ako, si
mommy gahambae nga magpasensya bangud kon gapari ako hay ro pari kinahangean mapinasensyahon
ag mapinatawaron. Tag gintuli ako, owa it inugpotos ro manugtuli ngani maong ro
gingamit na kang. Abaw tag adlaw nga ginapaeos eon ro maong hay indi ana bangud
nagadukot sa panit. Kasakit ag ngani gatinangis ako. Si mommy samtang amat amat
na ginabadbad ro maong nagahambae kang, nano eot-a ra, di ka eon pwede
mag-asawa kon mawra. Kato eon nagtanum sa akong isip nga gapari lang guid ako.
Bangud ako magapari,
gintur-an ako ni mommy magpangamuyo. Palapangamuyo abi imaw eabi eon kon
makabati imaw nga may mga namatyan, maduaw guid maw para mangamuyo. Nadumduman
ko tag si papa hay masakiton sa ospital, adlaw-gabii kami gapangamuyo ag ako ro
gapamatbat. Si Papa namatay hay grade 3 ako. Ro tatay ni Mommy namatay hay
grade 3 si mommy. Si Papa namatay sa edad nga 47 ag si mommy kato hay 43. Si
mommy namatay sa edad nga 77 ag ang edad kara hay 43. Like mother, like son
guid kaming daywa.
Tag magasueod eon ako sa
seminaryo, gindaea ako nanday Mommy, Mama ag Lola Mary kay Uncle Tony ag Aunty
Taty para magpabulig sa galastusan sa sueod it 13 anyos sa seminaryo. Tag
gahayskol ako sa seminaryo, masakiton ako. Ginhana ako nga paguwaon bangud abo
eon ako nga absences. Ro ginhimo ni Mommy hay gindaea na si Ninang Liezel sa
seminaryo para himoong ninong ko sa kumpirma si Fr. Vic Martelino. Si Fr. Vic
hay rector kato sa seminaryo ag si Ninang Liezel ana nga sister. Ngani owa guid
ako hasipa paguwa sa seminaryo hay ninong ko eon abi ro rector. Tag sa college
eon ako hay si Fr. Alex Acevedo Meñez man ro amon nanging rector. Kaistrikto
guid kana ag ngani gaguwa eon lang ako sa seminaryo bangud indi ako katakod. Pagkasayud
ni Fr. Alex nga maguwa ako hay ana ako minueay. Kahuya huya kuno ako nga
manging unga ni Nang Jane na. Bilang kaeapit baeay ag igkampod, kilaea na si
mommy nga maisog it boot ag wa gapaeagyo sa mga kabudlayan. Ano kuno ako agi
nga sangkere nga problema hay maeagyo. Nachallenge ako. Gintapos ko ro college
para pamatud-an kay Fr. Alex nga eaki guid ako. Nagpadayon ako sa Iloilo
magtoon pero pag-abot it 1998, nag-eaong eon ako kay mommy nga indi eon ako
magpari bangud nabudlayan ako. Ginpasueang eon gani ako kato ni Mama ag ni La Mary
kanday Nong Regnier ag Nong Boyet sa Barotac Viejo. Pero owa ako kanda nagsunod
pauli hay hambae ko kanda gusto ko lang taposon anay ro school year. Wa ako
kasayod nga sa andang pagsueang kang nag-umpisa ro sigedas nga pagpinangamuyo
ag sakripisyo ni mommy. Nakaabot imaw kon siin-siin sa pagpangamuyo ag maghaead
it kandila ag itlog para eang ako magpari. Nakibot eang ro tanan nga ako
paga-ordinahan sa pagkapari. Ako man gani nakibot. Si Fr. Kenn Estocado ro akon
classmate halin sa kinder asta nagpari sayod na nga milagro kun bukon it himala
nga ako magapari. Para kakon nadaea ni Mommy sa pangamuyo ro pagpari ko. Bago
ako ordinahan hambae ko kana, “Mommy, nahadlok ako basi di ko kaya.” Ana eang
ako ginsabat nga mangamuyo lang. Hambae na indi na ako pag-aywanan bisan ano
matabo. Gintindugan guid ni mommy ro ana nga promisa kang hasta nga umabot ro
adlaw nga gauli imaw pagkatapos na magklase hay tinama imaw it bola nga
volleyball sa ueo ag tumumba imaw ag nalipong guid. Umpisa kato hay wa pahuway
nga ginabalik balik imaw sa ospital sa pagpabueong.
Ku July 28, ginbadlisan
imaw ni Fr. Jesse Pandongon sa bulig ni Fr. Ike Temporaza nga taga Tangalan.
Nadumduman ko nga si papa ginbadlisan kato ni Fr. Frederick Malacas sa bulig ni
nang Nelfa Tungala nga taga Tangalan man. Ro Tangalan hay hometown ku amon nga
tatay ag kon siin sanday Nong Regnier ag Nong Boyet nagserbisyo bilang
Kabataang Barangay Chairman ag Kagawad. Sanday Nong Regnier ag Nong Boyet ro
gintugyanan ni papa nga proteksyunan si mommy ag kami nga andang mga manghud.
Para sa kasayuran man it
tanan, sanday Fr. Pandongon ag Msgr. Malacas hay nanging kibahan ko sa St. Jude
Parish anay ag si St. Jude Thaddeus ro natuonan nga pinakapaborito nga santo ni
mommy. Dugang pa kara, ro gamisa makaron hay si Msgr. Nestor Nalangan, igkampod
ni mommy ag imaw guid ra ro nagturo kang maghiwat it primero ko nga misa
cantada pagka-ordin. Sa primero ko nga misa cantada, soksok ko ro stola nga ginbasbasan
ni Bishop Gabriel Reyes. Ro stola ngato hay makaron sa alima eon ni mommy. Indi
Philippine Flag o Santo Rosario ro ginpadaea ko kana kundi ang stola. Mommy
will not face God empty-handed but will bring my blessed stole with her to
present it to God humbly saying: “Lord God, salamat may pari ako nga unga. I am
blessed and now I have come to take my rest.” God will surely tell her this, “Mary
Jane, many are the women of proven worth, but you have excelled them all. Come
and rest with me. Amen.”
No comments:
Post a Comment